සුභ උදෑසනක් ඔබට.....!!! මේ සතිය Fit එකේ පටන් ගන්න මේ පුංචි කථාව උදව් වෙයිද කියලා අපිට කියන්නකෝ.....සමහරවිට ඔබ මීට කලින් මේ කතාව අහල ඇති. මේක පරණ කතාවක් වුණාට, ධනාත්මක සිතුවිල්ලකුයි, ඍණාත්මක සිතුවිල්ලක් අතරෙයි තියෙන වෙනස මේ කතාවෙන් අපිට හොඳටම දැනෙනවා.
අවුරුදු ගාණකට කලින් බි්‍රතාන්‍යයේ සපත්තු හදන ආයතනයක ප්‍රධානියෙක් වෙළඳ ප්‍රවර්ධන නිලධාරීන් දෙදෙනෙක්ව පිටත් කළා අප්‍රිකාවට. ඒ, සපත්තුවලට අප්‍රිකාවේ තියෙන මාකට් එක කොයි වගේද කියල දැනගෙන එන්න.
පළවෙනි නිලධාරියා අප්‍රිකාවට ගිහින් ඇවිත් කිව්වා....
"එහෙ පොඩ්ඩක්වත් හොඳ මාකට් එකක් නෑ. මොකද එහේ කවුරුවත් සපත්තු දාන්නෙ නෑ..." කියලා.
දෙවැනි නිලධාරියා ඇවිත් කිව්වෙ, මෙහෙම කතාවක්...
"අප්‍රිකාවේ මාකට් එක ගොඩාක් හොඳයි. මොකද එහෙ කවුරුවත් සපත්තු දාන්නෙ නෑ..........."කියලා.
මේ පුංචි කතාව අපිට ලොකු ආදර්ශයක් දෙනවා. එක පුංචි සිද්ධියක් දෙන්නෙක් දැක්කෙ දෙවිදියකට.
හැම සිදුවීමක් දිහාම නරක ඇහැකින් බලන කෙනෙකුට පේන්නෙ, ඒ සිද්ධියෙ තියෙන ප්‍රශ්න සහ අවාසි විතරයි. ඒත් හැම සිදුවීමක් දිහාම හොඳ ඇහැකින් බලන කෙනෙකුට ඒ සිද්ධියෙම තියෙන අවස්ථා සහ ප්‍රතිලාභ හොඳට පේනවා.
"කවුරුත් සපත්තු දාන්නෙ නෑ". මේ කතාව හැමදාම ඔබේ මතකයේ රැඳේවි. කෙනෙකුගේ ආකල්ප ඉදිරි අරමුණු, මානසිකත්වය සහ ධනාත්මක චින්තනය ගැන කියන්න මීටත් වඩා හොඳ උදාහරණයක් ගැන ඔබ දන්නවද?
0 අදහස්::
Post a Comment